þriðjudagur, mars 09, 2004

Blogg tileinkað Ádísi Eir...

... af því að ég var búin að lofa henni því:)

Fiðluballið

Ég tróð mér inn á fiðluballið í líki þernu síðastliðið fimmtudagskvöld. Það var eins og stíga inn í ævintýri að koma inn í Iðnó þetta kvöld og einstaklega gaman var að sjá 6.bekkinga svona glæsilega. Bros var á hvers manns vörum þótt fætur virtust þreytast eftir því sem leið á kvöldið. Ég og Anna og síðar Eva líka, stóðumst ekki mátið og tókum einn snúning á dansgólfinu, samt bara í horninu þar sem eingöngu kennarar og annað þjónustufólk sá okkur, annað sæmdi víst ekki fólki af okkar stigi í samfélaginu. Fólki var meðal annars bannað að tala við okkur lágstéttarpakkið og einnig fékk ég ávítur fyrir að dirfast að horfa í augun á mér æðri aðilum.

Eitt er hins vegar víst, MR-ingar halda uppi kjóla- og kjólfataleigum bæjarins.

Meðmæli dagsins...
... fá norskir brjóstdropar og heitt vatn með sítrónu, engiferrót og hungangi.

Skyldmenni dagsins

Sigurður Pálmason, 1648
Lögréttumaður, ,,Lá hálfvisinn í 20 ár."

0 Comments:

Skrifa ummæli

<< Home