þriðjudagur, nóvember 28, 2006

Á ég að stinga af?

Ég á bókað flug á fimmtudaginn, þann 30.nóvember, nánar tiltekið frá London til Miami og frá Miami til Quito, Ecuador. Ég gæti sem sagt verið komin til Ecuador klukkan 9 á fimmtudags kvöldið, tekið svo rútu niður að strönd og sólað mig þar daginn eftir. Um kvöldið gæti ég síðan dansað í takt við salsatónlist með mojito í annarri og gleymt öllu sem heita próf eða ritgerðir. Komið svo heim sólbrún og sæt, eða bara ekkert komið heim, ég á víst bara miða aðra leiðina.

Hvað mynduð þið gera?

Þið vitið allavega hvar ég verð ef þið heyrið ekkert í mér á næstunni...

4 Comments:

Anonymous Anna said...

Sko... þú ferð ekkert að fara og skilja mig eina eftir í prófaógeði sko. Annaðhvort verðurðu hér að ógeðast með mér og öllum hinum eða ég hreinlega neyðist til að koma með þér til Ecuador. Það er svona...

29 nóvember, 2006 10:46  
Anonymous Steinunn said...

Ohhh, Ég fæ bara hroll af kuldanum hérna því mig langar svo út í sól og sumar! Mér findist það allavega ofboðslega freistandi að fljúga bara út ef ég ætti miðann;) En auðvitað mátt þú ekki fara.... þú bara gefur mér miðann ;)

29 nóvember, 2006 23:30  
Anonymous Anonymous said...

Á skrifborðinu mínu er svona plastmotta með mynd af korti á jörðinni og ég er alltaf að stoppa til að skoða það, skoða alla þessa afkima sem mig langar til að sjá. Og núna í vikunni fór ég að hugsa að mig langar að fara með þér til Ecuador og í ferð þaðan til Galapagos og kannski fleiri staði. (Argentínu jafnvel í almennileg nautasteikur-rauðvíns-ísveislu).
Ég hlakka til að gera þetta með þér einhvern daginn.

30 nóvember, 2006 15:27  
Anonymous Elín Lóa said...

Mikið rosalega væri ég til í að fara með þér til Ecuador, Una. Argentína hljómar heldur alls ekki illa :) Þú verður líka að sýna mér Minneapolis!

Þið megið annars eiga miðann minn stelpur, en hann er því miður floginn.

Einhvers staðar í háloftunum er autt sæti (sem ég hefði getað verið sitjandi í akkúrat núna) á leið til Ecuador, og mun vera autt þegar flugvélin lendir á alþjóðlega flugvellinum í Quito eftir svona u.þ.b. 1 klukkutíma og 3 korter...

dæs...

01 desember, 2006 00:19  

Skrifa ummæli

<< Home